Fitrə zəkatına dair məsələlər (2)

Fitrə zəkata aid bir şeydir. Fitrə fitr bayramının axşamı günəş batdığı vaxt çıxarılmalıdır. Fitrə zəkatı müəyyən şərtlər əsasında həddi-büluğa çatmış, ağlı başında olan, bihuş, yoxsul və kiminsə qulu olmayan, həmçinin özü və çörək yeyəni sayılan şəxslərin hər biri üçün vacibdir. Bu haqda ətraflı yazacağıq.

İnsan fitrə zəkatı verərkən NİYYƏT etməlidir. Yəni nə etdiyini bilməli və bunu qürbət qəsdilə etməlidir. Qürbət qəsdi tez-tez rastınıza çıxır. Nədir bu ifadə? Fiqhi terminologiyada qürbət qəsdi deyərkən, Allaha bəndəçilik və Onun əmrini yerinə yetirmək məqsədilə bir işi görmək nəzərdə tutulur. Əgər bir nəfər fitrə verərkən qürbət qəsdi etməsə, günah etmiş sayılsa da, kifayətdir. Bundan əlavə həmin şəxs verdiyi şeyi ayırd etməlidir. Yəni bilməlidir ki, o, öz malından fitrə zəkatını verir.

Əgər bir adam fitrə zəkatını bir nəfərə çatdırmaq üçün kimisə vəkil təyin etsə, məsələn bir nəfər çıxartdığı fitrəni kiməsə versə ki, bunu al və ehtiyaclı birinə çatdır, o zaman zəkatı ona verərkən niyyət etməlidir. Müstəhəb ehtiyat budur ki, verdiyi zəkat müstəhəqqə (müstəhəqq də fiqhi termindir. Haqqı çatan, layiq olan mənasını daşıyır) çatana qədər niyyəti davam etsin.

Yaxşısı budur ki, insanlar verdikləri fitrə barədə məsuliyyətli olsunlar. Çünki bu, sədəqə deyil. Vacib buyurulan bir hökmdür. O qədər insan var ki, gözünü bu fitrəyə dikib və ona ləyaqəti çatır. Allah kiməsə imkan yaradıbsa, ona mal-dövlət veribsə, bu o demək deyil ki, o, bu cür şeylərə qarşı səhlənkar yanaşmalı və boyun qaçırmalıdır. Fitrə zəkatının kimə verilməsinə dair də diqqətli olun. Sorğu-sual edin ki, kimə çatacaq? Əlbəttə ki, bu o haldadır ki, siz kimisə vəkil tutmusuz. Lakin özünüz fitrə zəkatını verərkən də haqqı çatan adama verin. Bu haqda da ətraflı yazacağıq.

Hazırladı: F.A.