“İxlas” surəsi, oxunuşu və asanlaşdırılmış təfsiri

“İxlas” surəsi Qurani-Kərimin 112-ci surəsidir. Məkkədə nazil olmuşdur. 4 ayə, 15 kəlmə və 47 hərfdən ibarətdir.

بِسْمِ اللَّهِ الرَّحْمَٰنِ الرَّحِيمِ

Bismillə̃hir-Rahmə̃nir-Rahἶm 

Rəhman, Rəhim Allahın adı ilə.

 قُلْ هُوَ اللَّهُ أَحَدٌ

Qul huvəllãhu əhəd (1)

De: O Allah təkdir.

اللَّهُ الصَّمَدُ

Allãhus-saməd (2)

Allah ehtiyacsızdır

(Qeyd: Saməd – Davamlı bir dayaqdır ki, işlərdə ona tərəf üz tutulur. Yəni nəzərdə tutular. Ərəblər arasında əs-Saməd qövmün şərafətlisi, yaxud itaət edilən ağa, ya da yanına gedilən bir ağadır ki, ondan başqası bir məsələdə qəzavət etməz)

لَمْ يَلِدْ وَلَمْ يُولَدْ

Ləm yəlid və ləm yũləd (3)

Doğmayıb və doğulmayıbdır.

وَلَمْ يَكُنْ لَهُ كُفُوًا أَحَدٌ

Və ləm yəkun ləhu kufuvən əhəd (4)

Və Onun heç bir tayı-bərabəri yoxdur.

Asanlaşrılmış təfsir:

Ya Peyğəmbər səndən Allah haqqında soruşana de: O Allah ilahilikdə, rəblikdə, adlarda və xüsusiyyətlərdə (atributlarda) təkdir və onun heç bir şəriki yoxdur.

Tək olan Allah bütün ehtiyac və istəklərin reallaşdırılmasında nəzərdə tutulandır.

Onun övladı, valideyni və yoldaşı yoxdur.

Yaratdıqları arasında – nə adlarında, nə xüsusiyyətlərində, nə də feillərində Onun bir bənzəri və oxşarı yoxdur.

Qeyd: Surənin oxunuşunda, yəni transkripsiyasında üzərində xətt çəkilmiş hərflər uzadılır.

Hazırladı: Fərid Abdullah